دو مختلف خواتین کی زندگی پہ مبنی یہ فلم یقیناً قابل دید ہو گی اور آپ کی توجہ کا مرکز بنے گی




دبئی (خصوصی رپورٹ )بہت سی قیاس آرائیوں اور بے پناہ دلچسپی کے بعد فلم پنکی میم صاب کا پہلا ٹریلر آخر کار ان لائن آ چکا ہے اور ہم امید کرتے ہیں کہ آپ نے اسے دیکھ لیا ہوگا  قائم شدہ معاشرتی تصورات اور طبقاتی رکاوٹوں کے خلاف احتجاج پہ مبنی یہ فلم ایک سادہ لوح اور معصوم دیہاتی غزالی آنکھوں والی لڑکی پنکی کے بارے میں ہے جو دبئی میں نووارد ہے. جب وہ دبئی آتی ہے تو اسکا ‘مہر’ کے ساتھ ایک انوکھا اور دلچسپ رشتہ قائم ہوتا ہے. مہر دبئی میں رہنے والی ایک صاحب حیثیت خاتون ہیں.  انکے اطراف میں ٤ مزید دلچسپ کردار ہیں اور ان تمام حالات میں وہ اپنی شانخت کیسے بناتی ہیں -یہی اس فلم کا لب لباب ہے اوریہ ہی ہے ایک دلچسپ کہانی.

دریں اثنا ہم کچھ مزید نہیں کہنا چاہیں گے مگر ہم امید رکھتے ہیں کہ ناظرین کو ایک سچی اور پر خلوص کہانی دیکھنے کو ملے گی جو کہ تارکین وطن کے بارے میں ہے جس میں خاصکر جنوبی ایشیا کے تمام طبقات کے جذبات کی عکاسی کی گئی ہے.

پنکی میم صاب جنوبی ایشیا کی وہ پہلی فلم ہے جس میں متحدہ عرب امارات کا پس منظر دکھایا گیا ہے اور بیشتر طور پہ بھی اسکو یہیں فلمایا گیا ہے. وبصورت منظر کشی کی وجہ سے دبئی اس فلم میں بذات خود ایک کردار بھی ہے.

فلم کی ہدایتکار شازیہ علی خان کہتی ہیں،“ہم نےیہ فلم بہت ایمانداری اور سچائی سے بنائی ہے. اگر یہ چند دلوں کے تار چھیڑ دے، چند مسکراہٹیں بکھیر دے، یا چند آنکھیں پر نم کر دے، تو ہم سمجھیں گے ہم نے حق ادا کر دیا.”ایک سے زیادہ زبانوں میں بنائی گئی یہ فلم  مورخہ ٦ دسمبر ٢٠١٨ کو دبئی اور خلیجی ممالک کے تمام سینما گھروں میں دکھائی جائے گی

یواے ای اور خلیجی ممالک میں اس فلم کے ڈسٹری بیوٹر واکس سینما اور پاکستان میں ایور ریڈی پکچرز پرائیویٹ لمیٹڈ ہیں۔

     ہدایتکار: شازیہ علی خان    ایگزیکیٹیوپروڈیوسر=   رضانمازی، صاحبزادہ یوسف علی خان                                                         

پروڈیوسر= فہد شیخ ، عمرخان

کاسٹ:۔   

کرن ملک = مہر    ۔۔  ہاجرہ یامین = پنکی  سنی ھندوجا = سنتوش  ۔۔۔۔۔ عدنان جعفر = حسن   خالد احمد = قطب 

    ہاجرہ خان = کلثوم  ۔۔۔۔  شمیم ھلالی = جہاں آرا                                                                                                                                                                                                                            

پروڈکشن ہاوس = شازمیڈیا پروڈکشن ؛ شوٹ ایٹ سایٹ                                                                      

                                                                                                                                                                                                                        




Leave a Reply

Your email address will not be published. Required fields are marked *