Sultan Bahu Kalam In Urdu

      No Comments on Sultan Bahu Kalam In Urdu
Sultan Bahu Kalam In Urdu

حضرت سلطان باہو صاحب کےخوبصورت کلام میں سے منتخب اشعار

انتخاب: ملک اویس

نال کسنگی سنگ نہ کرئیے کُل نوں لاج نہ لائیے ہو
تُمّے تُربز مُول نہ ہوندے توڑمکّے لے جائیے ہو
کانو دے بچے ہنس نہ تھیندے موتی چوگ چگائیے ہو
کُھوہ نہ مٹھے ہوندے باہو سئے مناں کھنڈ پائیے ہو

آپ نہ طالب ہین،کہیں دے لوکاں طالب کر دے ہُو
چاون کھیپاں کر دے سیپاں قہر توں ناہیں ڈر سے ہُو
عِشق مجازی تِلکن بازی پَیر اولّے دھر دے ہُو
او شرمندے ہوسن باہو اندر روز حشر دے ہُو

Sultan Bahu Kalam

Sultan Bahu Kalam In Urdu

رات اندھیری کال دے وچ عشق چراغ جلاندا ہو
جیندی سِک کُنوں دِل نِیوں نہیں آواز سُناندا ہُو
لوجھڑ جھل تے مارُو بیلے دم دم خوف شیہناں ہُو
تھل جل گئے جھکیندے باہُو کامل نیشہ جِنہاں دا ہُو

ایمان سلامت ہر کوئی منگے،عِشق سلامت کوئی ہُو
منگن اِیمان شرماون عشقوں،دل نوں غیرت ہوئی ہُو
جس منزل نوں عشق پچاوے، ایمان نوں خبر نہ کوئی ہو
میرا عشق سلامت رکھیں باہوؒ ،ایمانوں دیاں دھروئی ہُو

پڑھ پڑھ عالم کرن تکبّر مُلّاں کرن وڈیائی ہُو
گلیاں دے وچ پھرن نمانے بغل کتاباں چائی ہُو
جتھے ویکھن چنگاچوکھا پڑھن کلام سوائی ہُو
دوہیں جہانیں مُٹھے با ہُو کھادی ویچ کمائی ہُو

Sultan Bahu Poetry In Urdu

Sultan Bahu Kalam In Urdu

عاشق ہوویں عِشق کماوِیں دل رکھ وَانگ پہاڑاں ہُو
لَکھ بدیاں تے ہزار اُلاہمے جانیں باغ بہاراں ہُو
منصُور جیہے چُک سُولی دتّے واقف کُل اَسراراں ہُو
سجدیوں سر نہ چائیے باہُو کافر کہن ہزاراں ہُو

عاشق دی دل موم برابر معشوقاں دی کالمی ہُو
طَعمہ ویکھے تُر تَکے جیوں بازاراں دی چالی ہُو
باز بے چارہ کیوں کر اُڈّے پَیرس پیوس دِوالی ہُو
عِشق خرید نہ کیتا باہُو گئے جہا نوں خالی ہُو

نہ میں عالِم نہ میں فاضل نہ مُفتی نہ قاضی ہُو
نہ دِل میرا دوزخ منگے نہ بہشتیں راضی ہُو
نہ میں ترِیہے روزے رکھے نہ میں پاک نمازی ہُو
باجھ وصال اللہ دے باہُو دنیا کُوڑی بازی ہُو

الف اللہ چنبے دی بوٹی میرے من وچ مرشد لائی ہُو
نفی اثبات دا پانی ملیس ہر رگیں ہرجائی ہُو
ہر جا بُوٹی مُشک مچایاں جاں پُھلّن تے آئی ہُو
مُرشد کامل ہر دم جیوے (حضرت باہوؒ )جیں اے بُوٹی لائی ہُو

Sultan Bahu Kalam In Urdu

Sultan Bahu Kalam In Urdu

ذاتی نال ذاتی رلیا سو کم ذات سڈیوے ہُو
نفس کُتے نُوں بَنھ کراہاں قیما قیم کچیوے ہُو
ذات صِفاتوں مہینا آوے ذاتی شوق نَپیوے ہُو
نام فقیر تِنہاں دا باہُو قبر جِنہاں دی جِیوے ہُو

سُن فریاد پیراںؓدیا پیراؓمیرا عرض سُنیں کن دھر کے ہُو
میرا بیڑا اَڑیا وِچ کھپراں دے جتھے مچھ نہ جاندے ڈر کے ہُو
یا شاہِ جیلانیؓ محبوبؓ سُبحانی میری خبر لئیو جھٹ کر کے ہُو
پیر جہاندا مِیراںؓحضرت باہُوؒ اُس دا بیڑا لگے کدھی تر کے ہُو

پڑھ پڑھ علم مُلوک ریجھاون کیا ہویا اِس پڑھیاں ہُو
ہر گز مَکھّن مُول نہ آوے پِھٹّے دُدّھ دے کڑھیاں ہُو
آکھ چندوڑا ہتھ کیہ آئیو ایس انگوری پھڑیاں ہُو
ہِک دِل خستہ رَکھیں باہو لئیں عِبادت وَرھیاں ہُو

Sultan Bahu

Leave a Reply

Your email address will not be published. Required fields are marked *