اَربابِ سُخن کے زیر اہتمام شعری و ادبی نشست

اَربابِ سُخن کے زیر اہتمام شعری و ادبی نشست

رپورٹ: نفیس احمد نفیسؔ ناندوروی

شہرِ ناندورہ میں ادبی بزم بنام ” اَربابِ سُخن” کی کامیاب تشکیل مع بزمِ ھٰذا کے زیر اہتمام شعری و ادبی نشست کا فائزالمرام انعقاد۔ ناندورہ(ضلع، بُلڈانہ، مَہاراشٹر، اِنڈیا) یَکم جنوری ٢۰١٨ بروز پیر، بعد نمازِ عشاء، سَر زمینِ ناندورہ کی مشہور و معروف ڈاکٹر علّامہ اقبال لائبریری میں، محترم ایازالدّین اشہر صاحب کی زیرِ صَدارت، ادبی بزم بنام ” اَربابِ سُخن ” کامیابی کے ساتھ تشکیل پائی، نیز اِس پُر مسرّت موقعہ پر شعری و ادبی نشست کا فائزالمرام انعقاد خادمانِ اردو ادب کیلئے باعثِ مسرّت رہا۔

sheri-o-adbi-nashist

تِلاوتِ قرآنِ پاک محترم اسمٰعیل گوہر اور نعتِ پاک کا نظرانہء عقیدت شیخ رفیق صاحب نے پیش کیا۔۔۔پروگرام کی نظامت جناب مَتین طالب نے فرمائی اور اپنے جاذب لب ولہجہ سے محفل میں چار چاند لگادیئے۔۔۔ شعرائے اکرام میں ایازالدّین اشہر، نفیس احمد نفیسؔ، احمد کاشف، متین طالب، اسمعٰعیل گوہر، وسیم زاہد، عارفین ابنِ انجم، بِسمہ اللہ شیخ بِسمِل، محمّد اظہر، تمام شعراء نے اپنے کلامِ بلاغت نیز منفرد اندازِ تخاطب سے شرکائے محفل کو تخیّلاتی دنیا کی سَیر کروائی تو باذوق سامعینِ محفل نے بھی انھیں فرخندہ داد و تحسین سے نوازا۔

اَربابِ سُخن کے زیر اہتمام شعری و ادبی نشست

محترم محمد مشتاق کے اظہارِ تشکّر اور صدرِ جلسہ کی اجازت سے اس شعری و ادبی نشست کا کامیاب اختتام ہوا۔۔۔ بزم ” اَربابِ سُخن” ناندورہ کے عہدہ داران و اراکین کے اسمائےگرامی۔۔۔ سَرپرست- ایازالدّین اشہر، صدر- نفیس احمد نفیسؔ، نائب صدر- احمد کاشف، سیکریٹری- مَتین طالب، جوائنٹ سیکریٹری-محمّد مشتاق، (اراکین) محتشم رضا، اسمٰعیل گوہر، وسیم زاہد، بِسمہ اللہ شیخ بسمِل، محمّد اظہر، محمّد رفیق، شاکر رضا، محمّد ناظم، شیخ تسلیم کو منتخب کیا گیا۔ یوں تو سَر زمینِ ناندورہ پر بے شمار شعری وادبی تقاریب منعقد ہوتیں رہی ہیں لیکن تقریبِ ھٰذا کی معیاری نوعیت اور بے پناہ کامیابی نے جہانِ ادب کے ٹمٹماتے چراغ کو مزید روشن کردیا ہے۔ باحوصلہ بزم “اربابِ سُخن” کی جانب سے بندہء ناچیز کا ایک قطعہ قارئین کی نظر

اَخلاق نہ  اَخلاقی خیالات نئے ہیں
اَسباق نہ  اَسباقی  پیامات نئے ہیں
دَستورِعمل گرچہ پُرانہ ہے پر نفیسؔ
پَروازِ بلندی کے تو  جذبات نئے ہیں

Leave a Reply

Your email address will not be published. Required fields are marked *